ग्रामस्थांची सनद

जबाबदार ,गतिमान, प्रतिसादशील व लोकाभिमुख पंचायतराज व्यवस्थेसाठी "ग्रामस्थांची सनद"

शासनाच्या धोरणानुसार राज्यातील सर्व ग्रामस्थांना पारदर्शक गतिमान लोकाभिमुख व प्रतिसादशील प्रशासनाद्वारे जबाबदाराने सेवा पुरवणे ही पंचायत राज संस्थेची जबाबदारी आहे, जनतेला स्वतःच्या हक्काची माहिती होणे व कर्तव्याची जाणीव करून देणे.

पंचायत राज संस्थेमार्फत पुरविण्यात येणाऱ्या सेवेचा दर्जा राखण्यासाठी पंचायतराज संस्थेमार्फत काम करणाऱ्या सर्व अधिकारी /कर्मचाऱ्यांना त्यांच्या जबाबदारीची जाणीव करून देणे, त्यानुसार अंमलबजावणी होणे आवश्यक आहे, सेवा पुरवण्याचे स्तर निश्चित करून ग्रामस्थांना सेवा पुरवण्यामध्ये विलंब झाला अथवा अधिकारी / कर्मचार्‍यांकडून योग्य प्रतिसाद मिळाला नाही तर याबाबत ग्रामस्थांनी कोणाकडे दाद मागावी याबाबत निश्चित स्थर ठरविण्यात आलेले आहेत.

पंचायतराज संस्थामार्फत अंमलबजावणी करण्यात येणाऱ्या योजना, त्या-त्या योजनांबाबत गाव, तालुका व जिल्हास्तरावर जबाबदार असलेले अधिकारी/कर्मचारी, ग्रामपंचायत, पंचायत समिती व जिल्हा परिषद यांच्या संविधानिक जबाबदाऱ्या, याबाबतची माहिती ग्रामस्थांना व्हावी यासाठी ग्रामपंचायतीच्या सनदेमध्ये खालील परिशिष्ट यांचा समावेश करण्यात आला आहे. त्यानुसार ग्रामपंचायत पंचायत समिती व जिल्हा परिषद यांनी त्यांची अंमलबजावणी करणे बंधनकारक आहे.